కమలం జెండా భుజాన.. కాషాయ దండు నగరాన
లోక్సభ ఎన్నికల్లో రాజధాని పరిధిలోని నాలుగు స్థానాల్లో పాగా వేయడానికి భాజపా విశ్వ ప్రయత్నాలు చేస్తోంది.
4 లోక్సభ స్థానాల్లో ప్రచారానికి అగ్ర నేతలు
అన్నింటిలో విజయానికి కార్యాచరణ
లోక్సభ ఎన్నికల్లో రాజధాని పరిధిలోని నాలుగు స్థానాల్లో పాగా వేయడానికి భాజపా విశ్వ ప్రయత్నాలు చేస్తోంది. జనానికి దగ్గరగా ఉన్న నేతలను అభ్యర్థులుగా నిలపడంతో విజయం సులభంగా సాధించాలని భావిస్తోంది. ఇదే లక్ష్యంగా పార్టీ అగ్రనేతలు హైదరాబాద్కు రాబోతున్నారు. పన్నెండు మందికిపైగా కేంద్ర మంత్రులు ఓటర్లను కలవడానికి వస్తున్నారు. ప్రధాని మోదీ ఈనెల 27న పర్యటించబోతున్నారు. మరోవైపు నలుగురు అభ్యర్థులు నెల రోజులుగా నియోజకవర్గాల్లో విస్తృతంగా పర్యటిస్తూ ఓటర్లకు దగ్గరవడానికి ప్రయత్నిస్తున్నారు.
ఈనాడు-సిటీ బ్యూరో ప్రధాన ప్రతినిధి
రాజధాని పరిధిలోకి వచ్చే సికింద్రాబాద్, మల్కాజిగిరి, చేవెళ్ల, హైదరాబాద్ లోక్సభ నియోజకవర్గాల్లోని 28 అసెంబ్లీ నియోజకవర్గాల్లో గోషామహల్ నుంచి రాజాసింగ్ ఒక్కరే ఎమ్మెల్యేగా ఉన్నారు. ఇదీ హైదరాబాద్ లోక్సభ పరిధి. నాలుగు ఎంపీ స్థానాల్లో సికింద్రాబాద్ నుంచి గత ఎన్నిల్లో కిషన్రెడ్డి ఒక్కరే గెలిచారు. ఆయనకు కేంద్ర మంత్రివర్గంలో స్థానం లభించడంతో పాటు రాష్ట్ర భాజపా అధ్యక్షుడిగా కూడా వ్యవహరిస్తున్నారు. మొన్నటి శాసనసభ ఎన్నికల్లో భాజపా ఒక్క స్థానంలోనే గెలిచినా, 12 చోట్ల రెండో స్థానంలో నిలిచింది. కొన్ని నియోజకవర్గాల్లో లక్షకుపైగా ఓట్లను దక్కించుకుంది. ఫలితంగా కొన్నిచోట్ల కాంగ్రెస్ మూడో స్థానానికి పరిమితమైంది. తద్వారా కమలానికి బలమైన ఓటు బ్యాంకు ఉందని స్పష్టమైంది. ఇప్పుడు దీన్నే ఉపయోగించుకోవాలన్నది పార్టీ అగ్రనేతల ఆలోచన. అయోధ్య రామాలయాన్ని ప్రారంభించిన తరువాత రాజధాని పరిధిలో పార్టీకి అనుకూల వాతావరణం ఉందని కమలనాథులు చెబుతున్నారు. మహా నగరం పరిధిలో ఉత్తరాది రాష్ట్రాలకు చెందిన లక్షలాది మంది ఉన్నారు. వీరంతా అనుకూలంగా ఉంటారన్న ఉద్దేశంతో నగర నేతలు ప్రధానంగా దృష్టిసారించారు. సంబంధిత వర్గం అగ్రనేతలను దిల్లీనుంచి రప్పించి వారితో మాట్లాడించడానికి ఏర్పాట్లుచేస్తున్నారు. నగరంలో ఉన్నత విద్యావంతులు, మేధావులతో ప్రధాన మోదీ ఈనెల 27న ప్రత్యేకంగా మాట్లాడబోతున్నారు. ఇటీవల మాజీ సైనికులతో రక్షణశాఖ మంత్రి రాజ్నాథ్ సమావేశానికి నిర్ణయించినా ఆయన హాజరుకాలేదు. మరోసారి వచ్చి ప్రత్యేకంగా మాట్లాడతారని చెబుతున్నారు. భాజపా అనుబంధ సంస్థలు కూడా రంగంలోకి దిగి పెద్దఎత్తున ప్రచారంలో పాలుపంచుకుంటున్నాయి. మొత్తంగా ఏ వర్గాన్నీ వదలకుండా భాజపా వ్యూహాత్మకంగా ముందుకు వెళుతోంది. ఇకనుంచి ప్రతిరోజూ ఏదో ఒక ప్రాంతంలో అగ్రనేతలతో ప్రచారానికి కార్యాచరణ రూపొందించింది.
సికింద్రాబాద్ లోక్సభ అభ్యర్థిగా మరోసారి కిషన్రెడ్డి బరిలో నిలిచారు. ఎమ్మెల్యేగా మూడుసార్లు, ఎంపీగా ఒక్కసారి గెలిచిన అనుభవంతో మరోసారి గెలవడానికి అన్ని వ్యూహాలతో ముందుకు వెళుతున్నారు. అన్ని కాలనీల్లో పర్యటిస్తూ ఓటర్లతో మమేకం కావడానికి ప్రయత్నిస్తున్నారు. కేంద మంత్రి, రాష్ట్ర పార్టీ అధ్యక్షుడిగా ఉండటంతో మిగిలిన లోక్సభ నియోజకవర్గాల ప్రచారంలో పాల్గొంటున్నా ప్రధానంగా సికింద్రాబాద్పైనే దృష్టి సారించారు.
మల్కాజిగిరి నుంచి బరిలో ఉన్న ఈటల రాజేందర్ అన్ని శక్తులను ఒడ్డి పోరాడుతున్నారు. ఏడుసార్లు ఎమ్మెల్యేగా గెల్చిన ఈటల మొన్నటి శాసనసభ ఎన్నికల్లో 2 నియోజకవర్గాల నుంచి పోటీ చేసి ఓడిపోయారు. ఈ క్రమంలోనే మల్కాజిగిరి ఎంపీ అభ్యర్థిగా పోటీ చేసే అవకాశం లభించడంతో, ఈసారి ఎట్టి పరిస్థితుల్లో గెలవాలన్న పట్టుదలతో ప్రయత్నిస్తున్నారు. అగ్రనేతలతో భారీగా ప్రచారానికి ప్రణాళిక రూపొందించుకున్నారు.
చేవెళ్ల అభ్యర్థిగా మాజీ ఎంపీ కొండా విశ్వేశ్వర్రెడ్డి బరిలో నిలిచారు. ఇక్కడ ఆయన మూడోసారి అదృష్టాన్ని పరీక్షించుకుంటున్నారు. గత ఎన్నికల్లో ఓడిపోయినా నియోజకవర్గంలోని పార్టీ నేతలతో సన్నిహిత సంబంధాలతో గ్రామాల్లో పర్యటిస్తూ పార్టీని బలోపేతం చేసుకున్నారు. మూడు నెలలుగా విస్తృతంగా పర్యటిస్తున్నారు. ఆయన భార్య, అపోలో జేఎండీ కొండా సంగీతారెడ్డి కూడా పెద్దఎత్తున ప్రచారంలో పాల్గొంటున్నారు. ఇక్కడా అన్ని ప్రాంతాల్లో అగ్రనేతలతో ప్రచారం చేయించనున్నారు.
హైదరాబాద్ అభ్యర్థిగా మాధవీలత పోటీ చేస్తున్నారు. ఎంఐఎం అభ్యర్థిగా ప్రస్తుత ఎంపీ అసదుద్దీన్ ఒవైసీ ఉన్నారు. చాలా ఏళ్లుగా ఇక్కడ ఎంఐఎం విజయం సాధిస్తోంది. ఈ పార్టీకి గట్టిపోటీ ఇవ్వాలనే లక్ష్యంతో, ఇక్కడ అనేక సేవా కార్యక్రమాలు చేసిన మాధవీలతను భాజపా బరిలో నిలిపింది. తొలుత ఇక్కడి ప్రధాన ఓటర్ల మనసు గెల్చుకోవాలన్న ఆలోచనలో పార్టీ ఉంది. దీనికి అనుగుణంగానే ఆమె ప్రచారం పెద్దఎత్తున సాగుతోంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మడతల చొక్కా వేసుకో.. పర్యావరణాన్ని కాపాడుకో
[ 19-05-2024]
ఎండలైనా, వానలైనా అసాధారణంగా ఉంటున్నాయి. ఎందుకిలా అని వాతావరణ శాస్త్రవేత్తలను అడిగితే పర్యావరణ మార్పుల ప్రభావం అంటున్నారు. తగ్గించేందుకు మన వంతుగా ఏమైనా చేయవచ్చా అని ఆలోచించిన శాస్త్రవేత్తలు.. ఓవైపు ల్యాబ్ల్లో ప్రయోగాలు చేస్తూనే.. -
పట్టుదలతో చదివి.. సత్తా చాటి
[ 19-05-2024]
పట్టుదల, ఏకాగ్రతతో ఏడాదంతా పుస్తకాలతో కుస్తీ పట్టి అనుకున్న లక్ష్యాన్ని సాధించారు. ఇంజినీరింగ్, అగ్రికల్చర్, ఫార్మసీ కోర్సుల్లో ప్రవేశం కోసం నిర్వహించిన ఈఏపీ సెట్-24 పరీక్ష ఫలితాలు శనివారం ప్రకటించారు. -
గంటలో కుంటలా...
[ 19-05-2024]
వరుణుడు మరోసారి నగరంపై ఉరిమాడు. శనివారం పలు ప్రాంతాల్లో ఓ మోస్తరు నుంచి భారీ వర్షం కురిసింది. లింగంపల్లి, హయత్ నగర్లో అరగంట నుంచి గంట వ్యవధిలో కుండపోతగా పడింది. అత్యధికంగా లింగంపల్లిలో 6.88 సెంటీమీటర్ల వర్షం కురిసింది. -
స్థానిక సంస్థలపై కాంగ్రెస్ గురి
[ 19-05-2024]
నార్సింగి మున్సిపాలిటీ ఛైర్పర్సన్ దారుగుపల్లి రేఖ, వైస్ఛైర్మన్ వెంకటేశ్యాదవ్(భారాస)లపై ప్రవేశపెట్టిన అవిశ్వాస తీర్మానాలు నెగ్గాయి. వీరిపై మెజార్టీ సభ్యులు అందజేసిన అవిశ్వాస తీర్మానంపై చర్చించేందుకు మున్సిపల్ కార్యాలయంలో శనివారం రాజేంద్రనగర్ ఆర్డీవో కె.వెంకట్రెడ్డి -
పుస్తకాలకు, బల్లలకు ఆకతాయిల నిప్పు
[ 19-05-2024]
జడ్పీ ఉన్నత పాఠశాలలో పాఠ్య పుస్తకాలు, బల్లలకు ఆకతాయిలు నిప్పు పెట్టిన సంఘటన తాండూరు మండలం కరణ్కోటలో జరిగింది. శనివారం పాఠశాలలోకి ప్రవేశించిన ఆకతాయిలు సామగ్రి నిల్వ గదిలోకి వెళ్లారు. -
జూలో ఖడ్గమృగాల సంతతి వృద్ధి
[ 19-05-2024]
నగర నెహ్రూ జూ పార్కులో ఖడ్గమృగాల సంతతి క్రమంగా పెరుగుతోంది. వాటి ప్రదర్శన, విశ్రాంతికి మరో ఎన్క్లోజర్ నిర్మాణానికి అధికారులు ఏర్పాట్లు చేశారు. ఆరేళ్ల నుంచి వాటిని ఇండియన్ ఆయిల్ కార్పొరేషన్ లిమిటెడ్(ఐవోసీఎల్) దత్తత తీసుకొంటోంది. -
బుక్ చేస్తే 24 గంటల్లో నీటి ట్యాంకర్
[ 19-05-2024]
నీటి ట్యాంకర్ బుక్ చేసిన 24 గంటల్లో సరఫరా చేసే విధానం అందుబాటులోకి వచ్చినట్లు జలమండలి ప్రకటించింది. ఇక నుంచి 3-4 రోజులపాటు నిరీక్షణ ఉండదని పేర్కొంది. -
సెప్టెంబరుకు.. ‘సుంకిశాల’ అందేనా?
[ 19-05-2024]
నాగార్జునసాగర్ డెడ్స్టోరేజీ నుంచి సైతం నగరానికి నీటిని తరలించేందుకు చేపట్టిన సుంకిశాల ఇన్టేక్ వెల్ ప్రాజెక్టు సెప్టెంబరు నాటికి అందుబాటులోకి తెచ్చేందుకు జలమండలి సమాయత్తమవుతోంది. -
చిన్న వర్షం.. అతలాకుతలం
[ 19-05-2024]
నగరంలో వర్షాల నేపథ్యంలో ప్రజలకు ఇబ్బంది కలగకుండా అన్ని జాగ్రత్తలు తీసుకోవాలని, నిరంతరం అప్రమత్తంగా ఉండాలని నగర మేయర్ గద్వాల్ విజయలక్ష్మి జీహెచ్ఎంసీ అధికారులను ఆదేశించారు. -
మానసిక కుంగుబాటుతో చందు బలవన్మరణం
[ 19-05-2024]
బుల్లితెర నటుడు చంద్రకాంత్ (40) అలియాస్ చందు మానసిక కుంగుబాటుతోనే ఆత్మహత్యకు పాల్పడినట్టు కుటుంబ సభ్యులు తెలిపారు. త్రినయని సీరియల్తో గుర్తింపు తెచ్చుకున్న చందు శుక్రవారం మణికొండలో బలవన్మరణానికి పాల్పడటం తెలిసిందే. -
సైబర్ నేరస్థులకు.. ‘మ్యూల్’ ఖాతాలు తెరుస్తూ..
[ 19-05-2024]
సైబర్ నేరస్థుల కోసం ‘మ్యూల్’ బ్యాంకు ఖాతాలు తెరుస్తున్న ముఠా గుట్టును పోలీసులు రట్టు చేశారు. అయిదుగురు నిందితులను శనివారం అరెస్టు చేశారు. -
గ్రూప్-1 ప్రిలిమినరీకి ముమ్మర ఏర్పాట్లు
[ 19-05-2024]
జిల్లాలో జూన్ 9న జరిగే గ్రూప్-1 ప్రిలిమినరీ పరీక్ష నిర్వహణకు అన్ని రకాల చర్యలు తీసుకున్నామని జిల్లా అదనపు పాలనాధికారి రాహుల్శర్మ తెలిపారు. -
నాసిరకం ముప్పు.. కావాలి కనువిప్పు
[ 19-05-2024]
వానాకాలం సీజన్ దగ్గర పడుతోంది. పొలాలను శుభ్రం చేసే పనులు ఊపందుకుంటున్నాయి. ఇదే అదనుగా నాసిరంక విత్తనాలు కూడా విపణిలోకి తెచ్చేందుకు అక్రమార్కులు యత్నిస్తున్నారు. -
పర్యవేక్షణ శూన్యం.. ఇసుక మాయం
[ 19-05-2024]
ప్రభుత్వ లక్ష్యానికి, ప్రజా ప్రయోజనానికి అనుగుణంగా నిర్మాణాలు సాగాలి. గుత్తేదారు దానికి తగినట్లుగా పనులు చేయాలి. అధికారులు ఎప్పటికప్పుడు పర్యవేక్షించాలి. -
12 శాతం రిజర్వేషన్ కోసం మాదిగ జన సభలు
[ 19-05-2024]
తెలంగాణలో మాదిగలకు 12 శాతం రిజర్వేషన్ కోరుతూ రాష్ట్ర వ్యాప్తంగా ‘మాదిగ జన సభలు’ నిర్వహిస్తున్నట్లు మాదిగ ఐకాస ఛైర్మన్, తెలంగాణ ఎస్సీ కార్పొరేషన్ మాజీ ఛైర్మన్ పిడమర్తి రవి తెలిపారు. -
చెత్త కుప్పలు తొలగించేదెవరు?
[ 19-05-2024]
ఎన్ని చర్యలు తీసుకున్నా పారిశుద్ధ్యం పట్టాలెక్కడం లేదు. నగరవ్యాప్తంగా 23 లక్షల ఇళ్లు ఉన్నాయని అంచనా. వాటన్నింటి నుంచి నిత్యం చెత్త సేకరణకు ప్రస్తుతం 4,500 స్వచ్ఛ ఆటోలున్నాయి. -
అటవీ భూమి కేటాయింపులు సబబే
[ 19-05-2024]
రంగారెడ్డి జిల్లా మహేశ్వరం మండలం ఇమారత్ కంచ, సరూర్నగర్ మండలం మామిడిపల్లిలో అటవీ భూమిని అటవీయేతర అవసరాలకు ప్రభుత్వం కేటాయించడాన్ని హైకోర్టు సమర్ధించింది. -
ప్రీ లాంచ్ ఆఫర్ల పేరుతో టోకరా
[ 19-05-2024]
కొంపల్లిలో ఖరీదైన ప్రాంతంలో రెసిడెన్షియల్ అపార్ట్మెంట్ల ప్రీ లాంచ్ ఆఫర్ల పేరుతో 350 మంది నుంచి రూ.60 కోట్ల వరకు వసూలు చేసి మోసగించిన ముగ్గురు మోసగాళ్లను సైబరాబాద్ ఈవోడబ్ల్యూ పోలీసులు అరెస్టు చేసి రిమాండ్కు తరలించారు. -
నకిలీ సర్టిఫికెట్ల ముఠా గుట్టురట్టు
[ 19-05-2024]
పలు విశ్వవిద్యాలయాల పేరిట నకిలీ ధ్రువీకరణ పత్రాలు విక్రయిస్తున్న ముఠాలోని సభ్యుడితో పాటు కొనుగోలు చేసేందుకు వచ్చిన వ్యక్తిని మహేశ్వరం ఎస్వోటీ బృందం, చైతన్యపురి పోలీసుల సహకారంతో అరెస్టు చేసింది. -
వారణాసిలో ప్రచారానికి భాజపా బృందం
[ 19-05-2024]
ఉత్తర్ప్రదేశ్లోని వారణాసి నియోజకవర్గం నుంచి పోటీ చేస్తున్న నరేంద్రమోదీకి మద్దతుగా ప్రచారం నిర్వహించేందుకు 10 మంది సభ్యులతో కూడిన భాజపా బృందాన్ని ఎంపిక చేశారు. -
ఫీజుల నియంత్రణ చట్టాన్ని తేవాలి
[ 19-05-2024]
రాష్ట్రంలో ఫీజుల నియంత్రణ చట్టాన్ని తేవాలని, ఒక యాజమాన్యం కింద ఒకే విద్యా సంస్థ ఉండాలని బీసీ సంక్షేమ సంఘం జాతీయ అధ్యక్షుడు, ఎంపీ ఆర్.కృష్ణయ్య డిమాండ్ చేశారు. -
పోరాటయోధుల చరిత్ర గ్రంథస్థం చేస్తాం
[ 19-05-2024]
తెలంగాణ రాష్ట్రసాధన కోసం జరిగిన తొలి పోరాటంలో అమరులైన వీరులు, జైలుకెళ్లిన, అంగవైకల్యం చెందిన యోధుల త్యాగాలు చరిత్రకెక్కలేదని, ఆ త్యాగధనుల జీవితాలను గ్రంథ]స్థం చేస్తున్నట్లు తెలంగాణ -
రైల్వే, ఆదాయపన్నుశాఖలో ఉద్యోగాల పేరుతో మోసం
[ 19-05-2024]
ఉద్యోగాలు ఇప్పిస్తానంటూ మోసగించిన నిందితుడిని ఉత్తర మండలం టాస్క్ఫోర్స్, గోపాలపురం పోలీసులు అరెస్ట్ చేశారు. టాస్క్ఫోర్స్ డీసీపీ ఎస్.రష్మీ పెరుమాళ్ కథనం ప్రకారం.. -
క్యాన్సర్పై సమగ్ర పుస్తకం అభినందనీయం
[ 19-05-2024]
క్యాన్సర్ మహమ్మారికి శాశ్వత పరిష్కారం దిశగా పరిశోధనలు జరగాలని ఓయూ వీసీ ప్రొ.రవీందర్ అన్నారు. విశ్వవిద్యాలయంలోని సెంటర్ ఫర్ ప్లాంట్ మాలిక్యులర్ బయాలజీ (సీపీఎంబీ) డైరెక్టర్ డా.రామకృష్ణ