కాంగ్రెస్‌లో చేరిన గ్రేటర్‌ హైదర్‌బాద్‌ మాజీ అధ్యక్షుడు కట్టెల

దీపాదాస్‌ మున్షి, సీఎం రేవంత్‌రెడ్డితో శ్రీనివాస్‌యాదవ్‌

రెజిమెంటల్‌బజార్‌: గ్రేటర్‌ హైదరాబాద్‌ భారాస మాజీ అధ్యక్షుడు కట్టెల శ్రీనివాస్‌యాదవ్‌ గురువారం సీఎం రేవంత్‌రెడ్డి, కాంగ్రెస్‌ పార్టీ రాష్ట్ర వ్యవహారాల ఇన్‌ఛార్జి దీపాదాస్‌ మున్షి సమక్షంలో ఆ పార్టీలో చేరారు. సీఎం ఆయనకు కండువా వేసి పార్టీలోకి ఆహ్వానించారు. ఈ సందర్భంగా శ్రీనివాస్‌యాదవ్‌ మాట్లాడుతూ గతంలో కాంగ్రెస్‌ పార్టీలో వివిధ హోదాల్లో పనిచేశానని, ఇప్పుడు సొంత ఇంటికి వచ్చినట్లు ఉందని తెలిపారు. కేటీఆర్‌ వర్కింగ్‌ ప్రెసిడెంట్‌ అయిన తరువాత పార్టీ భ్రష్టుపట్టిందని, కష్టపడి పని చేసేవారికి, ఉద్యమకారులకు స్థానం లేకుండా పోయిందన్నారు.