సీజ్‌ చేసిన నగదులో రూ.4.27 కోట్లు విడుదల

ఈనాడు డిజిటల్‌, హైదరాబాద్‌: ఎన్నికల నేపథ్యంలో ఆధారాల్లేకుండా రూ.50 వేలకు మించి నగదు తరలిస్తున్న ఘటనలపై 153 కేసులు నమోదు కాగా రూ.5,61,02,455 ఎన్‌ఫోర్స్‌మెంట్‌ బృందాలు స్వాధీనం చేసుకొని జిల్లా గ్రీవెన్స్‌ కమిటీ (డీజీసీ)కి సిఫార్సు చేశాయి. వీటిలో 146 కేసుల్లో ఆధారాలు సమర్పించడంతో రూ.4,27,98,455 డీజీసీ ద్వారా విడుదల చేసినట్లు జిల్లా ఎన్నికల అధికారి రోనాల్డ్‌రాస్‌ ఆదివారం తెలిపారు. ఈ కేసులకు సంబంధించి సందేహాలు ఉన్నట్లయితే డీజీసీ ఛైర్మన్‌ సరోజ ఫోన్‌ 9618888110ను, కమిటీ కన్వీనర్‌ శరత్‌చంద్ర ఫోన్‌ 9177872240ను సంప్రదించాలని సూచించారు.