అగ్నిగుండం

47.1 డిగ్రీలకు చేరిన గరిష్ఠ ఉష్ణోగ్రతలు

జగిత్యాల ధరూర్‌క్యాంపు, న్యూస్‌టుడే: ఈ వేసవి సీజన్‌లో తొలిసారిగా ఆదివారం జగిత్యాల జిల్లాలోని వెల్గటూరులో 47.1 డిగ్రీల సెల్సియస్‌ రాష్ట్ర స్థాయి అత్యధిక గరిష్ఠ పగటి ఉష్ణోగ్రత నమోదైంది. జగిత్యాల జిల్లా ఇబ్రహీంపట్నం మండలం గోధూరులో 46.8, రాయికల్‌ మండలం అల్లీపూర్‌ 46.7, కరీంనగర్‌ జిల్లా వీణవంక 46.7, పెద్దపల్లి జిల్లా సుల్తానాబాద్‌ మండలం సుగ్లంపల్లి 45.6, సిరిసిల్లలో 44.7 డిగ్రీల సెల్సియస్‌ గరిష్ఠ ఉష్ణోగ్రత రికార్డయ్యింది. కనిష్ఠ ఉష్ణోగ్రతలు 37 డిగ్రీల సెల్సియస్‌ వరకు నమోదుకావటం, వడగాలులతో ప్రజలు సతమతమవుతున్నారు.