ప్రకృతి వనమా? పత్తి క్షేత్రమా?

ఈ చిత్రాన్ని చూస్తే పల్లె ప్రకృతివనం ఏమైందన్న సందేహం వస్తుంది కదా? ప్రభుత్వం రూ.లక్షలాది ఖర్చు చేసి ప్రతీ గ్రామపంచాయతీకి ఓ పల్లె ప్రకృతివనాలను నిర్మించింది. బాటసారులు, ఇతరులు సేద తీరేందుకు వీలుగా అందమైన పూలమొక్కలను వీటిని తీర్చిదిద్దారు. కూర్చునేందుకు బల్లాలను ఏర్పాటు చేస్తారు. తిరుమలాయపాలెం మండలం మేకలతండా గ్రామపంచాయతీలో పల్లె ప్రకృతి వనంలో పత్తి పంట సాగు దర్శనమిచ్చింది. నిత్యం మండల ఉన్నతాధికారులు ఈ మార్గంలోనే రాకపోకలు సాగిస్తుంటారు. అయినా దిద్దుబాటు చర్యలు శూన్యమన్న విషయం చిత్రాన్ని చూస్తే అర్థమవుతుంది.

- న్యూస్‌టుడే, తిరుమలాయపాలెం