కేంద్ర హోంమంత్రిపై ఆరోపణలు చేశారని.. సీఎం రేవంత్‌రెడ్డిపై భాజపా ఫిర్యాదు

కొత్తగూడెం పట్టణం, న్యూస్‌టుడే: కొత్తగూడెంలో ఈ నెల 4న నిర్వహించిన కాంగ్రెస్‌ జనజాతర సభలో సీఎం రేవంత్‌రెడ్డి భాజపాపై అసత్య ఆరోపణలు చేశారని, దీనిపై విచారించి చర్యలు తీసుకోవాలని ఆ పార్టీ జిల్లా అధ్యక్షుడు కేవీ రంగాకిరణ్‌ కొత్తగూడెం డీఎస్పీ షేక్‌ అబ్దుల్‌ రెహ్మాన్‌, ఒకటో పట్టణ సీఐ కరుణాకర్‌కు సోమవారం ఫిర్యాదు చేశారు. భాజపా అధికారంలోకి వస్తే రాజ్యాంగాన్ని రద్దు చేస్తుందని, రిజర్వేషన్లు రద్దవుతాయని, ఈ మాటలు కేంద్ర హోంశాఖ మంత్రి అమిత్‌షా అన్నట్లుగా సీఎం అసత్య ఆరోపణలు చేశారని ఫిర్యాదులో పేర్కొన్నారు. ముఖ్యమంత్రిపై విచారణ చేపట్టి చర్యలు తీసుకోవాలని రంగాకిరణ్‌ కోరారు.