వైకాపాకు ఓటు వేయాలి

మంత్రాలయం: నియోజకవర్గం మరింత అభివృద్ధి చెందాలంటే వై. బాలనాగిరెడ్డి మరోసారి ఎమ్మెల్యే కావాలని వైకాపా యువ నాయకురాలు ప్రియాంక రెడ్డి అన్నారు. గురువారం ముందుగా గ్రామదేవత మంచాలమ్మ, శ్రీ రాఘవేంద్ర స్వామి మూలబృందావనానికి ఆమె ప్రత్యేక పూజలు నిర్వహించి మొక్కులు తీర్చుకున్నారు. అదే విధంగా రాఘవేంద్ర నగర్‌లో కొలువుదీరిన తాయమ్మ, ఎల్లమ్మ, శ్రీశైలం మల్లికార్జున స్వామి దేవాలయాల్లో ప్రత్యేక పూజలు నిర్వహించి నారికేళాలు సమర్పించి పూజలు చేశారు. అనంతరం ఆమె మాట్లాడారు. వైకాపాకు ఓటు వేయాలని, ఎమ్మెల్యేగా బాలనాగిరెడ్డిని గెలిపించాలన్నారు. ఈ కార్యక్రమంలో సర్పంచ్ తెల్లబండ్ల భీమయ్య, వ్యవసాయ సలహా మండలి సభ్యులు మల్లికార్జున, నాయకులు, వైకాపా అభిమానులు పాల్గొన్నారు.