28, 29 తేదీల్లో చంద్రబాబు పర్యటన

కర్నూలు సచివాలయం, న్యూస్‌టుడే: ఉమ్మడి జిల్లాలో ఈనెల 28, 29 తేదీల్లో తెదేపా అధినేత నారా చంద్రబాబు నాయుడు పర్యటించనున్నారని కర్నూలు, నంద్యాల పార్లమెంటు నియోజకవర్గ తెదేపా అధ్యక్షులు పాలకుర్తి తిక్కారెడ్డి, మల్లెల రాజశేఖర్‌ తెలిపారు. వారు శుక్రవారం మాట్లాడుతూ 28వ తేదీ మధ్యాహ్నం 3 గంటలకు మంత్రాలయంలో నిర్వహించే ప్రజాగళం బహిరంగ సభలో మాట్లాడుతారు. సాయంత్రం ఐదు గంటలకు కోడుమూరు నియోజకవర్గంలోని గూడూరులో బహిరంగ సభలో పాల్గొని రాత్రి అక్కడే బస చేస్తారన్నారు. 29వ తేదీన నంద్యాల జిల్లాలోని డోన్‌, నందికొట్కూరు నియోజకవర్గాల్లో చంద్రబాబు పర్యటిస్తారని చెప్పారు.