మంచి మనిషిని చూసి ఓటెయ్యండి

చిప్పగిరి: మంచి మనిషి సౌమ్యుడు తెదేపా ఎమ్మెల్యే అభ్యర్థి వీరభద్ర గౌడ్‌ను అధిక మెజార్టీతో గెలిపించాలని మాజీమంత్రి గుమ్మనూరు జయరాం సోదరుడు గుమ్మం నారాయణ అన్నారు. చిప్పగిరి మండలం దౌల్తాపురం గ్రామంలో జరిగిన ఎన్నికల ప్రచారంలో ఆయన పాల్గొని ప్రసంగించారు. రానున్న ఎన్నికల్లో సైకిల్ గుర్తుకు ఓటు వేసి గెలిపించాలని ఆయన కోరారు. తెదేపా మేనిఫెస్టోను అన్ని వర్గాల ప్రజలకు న్యాయం చేసే విధంగా రూపొందించారని పేర్కొన్నారు. ఈ కార్యక్రమంలో తెదేపా నాయకులు మేకల నెట్టిగంటయ్య, మేకల రామాంజనేయులు, హరినాథ్, అశోక్ తదితరులు పాల్గొన్నారు.