బార్‌ అసోసియేషన్‌ జిల్లా అధ్యక్షుడిగా సుభాష్‌చంద్రబోస్‌

నియామకపత్రాన్ని అందజేస్తున్న సీనియర్‌ న్యాయవాది పోచయ్య

మెదక్‌ టౌన్‌, న్యూస్‌టుడే: మెదక్‌ జిల్లా బార్‌ అసోసియేషన్‌ అధ్యక్షుడిగా సుభాష్‌చంద్రబోస్‌ ఎన్నికయ్యారు. గురువారం మెదక్‌ పట్టణంలోని న్యాయస్థాన ప్రాంగణంలో ఎన్నిక నిర్వహించారు. మధ్యాహ్నం 4.00 గంటలకు కౌంటింగ్‌ ప్రక్రియ చేపట్టారు. ప్రధాన కార్యదర్శిగా శ్రీపతిరావు, కార్యవర్గ సభ్యులుగా చిరంజీవి, రమేష్‌నాయక్‌, శారద, పరశురాములు విజయం సాధించారు. అనంతరం ఉపాధ్యక్షులుగా ఆకుల శ్రీనివాస్‌, సంయుక్త కార్యదర్శిగా దుర్గారెడ్డి, క్రీడలు, సాంస్కృతిక కార్యదర్శిగా మధుకిరణ్‌, గ్రంథాలయకార్యదర్శిగా అశ్వనికుమార్‌లను ఏకగ్రీవంగా ఎన్నుకున్నారు. ఎన్నికల అధికారిగా శిరిగ ప్రభాకర్‌, సహాయ అధికారులుగా సాయికుమార్‌, లక్ష్మణ్‌ గౌడ్‌, మంజుల వ్యవహరించారు. నూతన కార్యవర్గానికి సీనియర్‌ న్యాయవాదులు పోచయ్య, జనార్దన్‌రెడ్డి, రామారావు నియామక పత్రాలు అందజేసి అభినందించారు.