Inter: శుక్రవారం నుంచి ఇంటర్ సప్లిమెంటరీ పరీక్షలు

కామారెడ్డి పట్టణం: ఇంటర్మీడియట్ అడ్వాన్స్‌డ్‌ సప్లిమెంటరీ పరీక్షలు శుక్రవారం ప్రారంభం కానున్నాయి. ఈ మేరకు అధికార యంత్రాంగం ఏర్పాట్లు పూర్తి చేసింది. 29 కేంద్రాల్లో 10511 మంది విద్యార్థులు పరీక్ష రాయనున్నారు. వార్షిక పరీక్షల్లో ప్రథమ, ద్వితీయంలో జిల్లాకు 35వ స్థానం దక్కింది. పడిపోయిన ఫలితాలు ఈ సారి జరిగే పరీక్షల్లో మెరుగయ్యేందుకు అధికారులు దృష్టి పెట్టారు. జిల్లాలో పరీక్షల పర్యవేక్షణకు వివిధ శాఖల అధికారులతో ప్రత్యేక బృందాలను ఏర్పాటుచేశారు. 29 మంది ముఖ్య పర్యవేక్షకులు, 29 మంది విభాగ పర్యవేక్షకులు, 4 సిట్టింగ్ స్వ్కాడ్లు, ఆరుగురు ఫ్లయింగ్ స్వ్కాడ్లు పరీక్షలను పర్యవేక్షిస్తారు. పరీక్షలకు హాజరయ్యే విద్యార్థులు గంట ముందుగానే చేరుకోవాలని అధికారులు సూచించారు.