రోడ్డెక్కిన రైతు కుటుంబం

తహసీల్దార్‌ కార్యాలయం ఎదుట కుటుంబ సభ్యులతో బైఠాయించిన రైతు జలోజీ

బోధన్‌, న్యూస్‌టుడే: తమ భూమి పట్టా రికార్డులు సరిచేయాలని కోరుతూ కర్షక కుటుంబం బుధవారం బోధన్‌ తహసీల్దార్‌ కార్యాలయం ఎదుట ధర్నా చేపట్టింది. లాడ్‌మావంది శివారులోని సర్వే నంబరు 5/2ఆలో 2.39 ఎకరాలను 1978లో తమ బంధువుల నుంచి కొనుగోలు చేశామని బాధిత రైతు జలోజీ తెలిపారు. కొంత భాగాన్ని విక్రయించామన్నారు. మిగులు భూమి 1.19 కిగాను ధరణి రికార్డులో 1.6 ఎకరాలు మాత్రమే ఉందని పట్టాపాసు పుస్తకం చేతిలో పెట్టారని, ఆ తరువాత ఆరు గుంటలు కూడా తొలగించారని ఆవేదన వ్యక్తం చేశారు. 19 గుంటల భూమిని తన పేరున చేయాలని కలెక్టర్‌ సహా ఇతర అధికారులకు ఎన్నిసార్లు విన్నవించినా చర్యలు తీసుకోవడం లేదని ఆందోళన వ్యక్తం చేశారు. ఈ విషయమై తహసీల్దార్‌ వరప్రసాద్‌ మాట్లాడుతూ వాస్తవాలు తెలుసుకొని ఉన్నతాధికారులకు నివేదిస్తామన్నారు.