గుండెపోటుతో ఉపాధి హామీ కూలీ మృతి

నాగిరెడ్డిపేట :  ఉపాధి హామీ పథకంలో పని చేస్తున్న ఓ కూలీ గుండెపోటుతో మృతి చెందారు. ఈ ఘటన మండలంలోని జప్తి జాన్కంపల్లి గ్రామంలో  జరిగింది.  స్థానికులు తెలిపిన  వివరాల ప్రకారం గ్రామానికి చెందిన భూమని రాములు (50) శనివారం ఉదయం జప్తి జనకంపల్లి గ్రామ శివారులోని మల్లాది చెరువులో నిర్వహిస్తున్న ఉపాధి హామీ పనులకు వెళ్లాడు. పనులు ప్రారంభించే సమయంలో  రాములు గుండెపోటుకు గురై అక్కడికక్కడే మృతి చెందినట్లు తెలిపారు. ఉపాధి హామీ పనుల వద్ద రాములు మృతి చెందడంతో పలువురు ప్రజాప్రతినిధులు సంఘటన స్థలానికి  చేరుకుని మృతుడి కుటుంబ సభ్యులను పరామర్శించారు. మృతుడికి  భార్య ఇద్దరు పిల్లలు ఉన్నట్లు స్థానికులు తెలిపారు.