పోలీసుల అదుపులో నిందితులు..!

భిక్కనూరు : భిక్కనూరు పోలీస్‌స్టేషన్‌ పరిధిలో నిషేధిత మత్తు పదార్థాలు తరలిస్తున్న నలుగురు నిందితులను ప్రత్యేక పోలీసు బృందం శనివారం అదుపులోకి తీసుకున్నట్లు సమాచారం. పెద్దమల్లారెడ్డి గ్రామం పెట్రోల్‌ బంక్‌ వద్ద ప్రత్యేక పోలీసు బృందం మాటువేసి మరీ ఓ కారును స్వాధీనం చేసుకున్నట్లు స్థానికులు తెలిపారు. అందులో ప్రయాణిస్తున్న వారి వద్ద మత్తు పదార్థాలున్నట్లు తెలిసింది. పక్కా సమాచారంతో రెండు రోజులుగా రెక్కీ నిర్వహించి నిందితులను పట్టుకుని పోలీస్‌స్టేషన్‌కు తరలించారు. పూర్తి వివరాలను ఆదివారం పోలీసులు వెల్లడించనున్నారు.