ముఖ్యమంత్రి దిష్టిబొమ్మ దహనం

కామారెడ్డి పట్టణం: హిందువుల ఆరాధ్య దైవం శ్రీరాముడి పై అనుచిత వ్యాఖ్యలు చేసినందుకు నిరసనగా విశ్వహిందూ పరిషత్, బజరంగ్దళ్ ఆధ్వర్యంలో, బుధవారం సీఎం రేవంత్ రెడ్డి, కాంగ్రెస్ నాయకుడు అద్దంకి దయాకర్ దిష్టిబొమ్మలను దగ్ధం చేశారు.  తమ స్వార్థ రాజకీయాల కోసం మతాల మధ్య చిచ్చు పెడుతూ. హిందువులను ఉద్దేశించి అనుచిత వ్యాఖ్యలు చేసిన రేవంత్ రెడ్డి, అద్దంకి దయాకర్ పై చట్టరీత్యా చర్యలు తీసుకోవాలని విశ్వహిందూ పరిషత్ జిల్లా అధ్యక్షుడు గోపాలకృష్ణ డిమాండ్ చేశారు. ఈ కార్యక్రమంలో విశ్వహిందూ పరిషత్ జిల్లా ఉపాధ్యక్షుడు గంగారెడ్డి, పట్టణ అధ్యక్షుడు వడ్ల వెంకటస్వామి, కార్యదర్శి వంగ ప్రసాద్, బజరంగ్ దళ్ నాయకుడు రాజు యాదవ్, తదితరులు పాల్గొన్నారు.