ప్రచారం జోరు

బిజద అభ్యర్థి డాక్టర్‌ చ్యవుపట్నాయక్‌కు మద్దతుగా మహిళల ప్రచారం

బ్రహ్మపుర నగరం, న్యూస్‌టుడే: సాధారణ ఎన్నికల పోలింగు తేదీ దగ్గరపడుతుండగా, బరిలో ఉన్న అభ్యర్థులు ఓటర్లకు దగ్గరయ్యేందుకు ప్రచారం జోరును మరింత పెంచారు. బ్రహ్మపుర అసెంబ్లీ బిజద అభ్యర్థి డాక్టర్‌ రమేష్‌చంద్ర చ్యవుపట్నాయక్‌ సోమవారం వివిధ వార్డుల్లో మద్దతుదారులతో కలిసి ప్రచారం నిర్వహించారు. స్వతంత్ర అభ్యర్థి శిబశంకర దాస్‌ (పింటు దాస్‌) ఎన్నికల సంఘం కేటాయించిన కుండ గుర్తుతో ప్రచారం ఉద్ధృతం చేశారు. సన్నొఖెముండి అసెంబ్లీ నియోజకవర్గంలో కాంగ్రెస్‌ అభ్యర్థిగా పోటీ చేస్తున్న సిటింగ్‌ ఎమ్మెల్యే రమేష్‌ జెనా ఆదివారం ధారాకోట సమితిలో బలరామ్‌పూర్‌ పంచాయతీలోని వివిధ గ్రామాల్లో ప్రజలతో సమావేశమయ్యారు. పొలసరా అసెంబ్లీ నియోజకవర్గం బిజద అభ్యర్థి శ్రీకాంత్‌ సాహు సోమవారం పొలసరా సమితిలో రుమాగడ పంచాయతీలోని వివిధ గ్రామాల్లో సాంస్కృతిక బృందాలతో ప్రచారం నిర్వహించారు.

సన్నొఖెముండి అసెంబ్లీ నియోజకవర్గంలో ప్రజలతో సమావేశమైన కాంగ్రెస్‌ అభ్యర్థి రమేష్‌ జెనా