పడుతూ లేస్తూ పది ఫలితాలు

 ఈ ఏడాది 91.21 శాతం ఉత్తీర్ణత 

ఒంగోలు నగరం, న్యూస్‌టుడే: పదో తరగతి పరీక్షా ఫలితాల్లో జిల్లా గత అయిదేళ్లుగా పడుతూ లేస్తూ వస్తోంది. ఈ ఏడాది రాష్ట్రంలో ఏడో స్థానంలో నిలిచింది. గత సంవత్సరం 73.74 శాతం మంది ఉత్తీర్ణత సాధించగా.. ప్రస్తుతం ఆ శాతం 91.21 శాతం ఉత్తీర్ణత సాధించారు. బాలురు 14,684 మంది పరీక్ష రాయగా 13,208 మంది(89.95 శాతం), బాలికలు 14,511 మంది పరీక్షలకు హాజరవ్వగా 13,422 మంది(92.05 శాతం) ఉత్తీర్ణత సాధించారు. మొత్తం మీద 29,195 మందిలో 26,630 మంది గండం నుంచి గట్టెక్కారు. వీరిలో 21,316 మంది ప్రథమ, 3,618 మంది ద్వితీయ, 1,696 మంది తృతీయ స్థానాల్లో నిలిచారు. ఉత్తమ ఫలితాలు సాధించినందుకు డీఈవో డి.సుభద్ర ఉపాధ్యాయులను అభినందించారు.