వందకు పైగా వైకాపా కుటుంబాలు తెదేపాలో చేరిక

 అచ్చెన్నాయుడితో తెదేపా నేతలు

 కోటబొమ్మాళి, న్యూస్‌టుడే: పార్టీ మీద, మా మీద నమ్మకంతో పార్టీలో చేరుతున్న వందలాది మంది నమ్మకాలను వమ్ము కానివ్వమని, అభివృద్ధి అంటే ఏమిటో? చేసి చూపుతామని తెదేపా రాష్ట్ర అధ్యక్షుడు కింజరాపు అచ్చెన్నాయుడు అన్నారు. బుధవారం నిమ్మాడలోని పార్టీ కార్యాలయంలో నందిగాం, సంతబొమ్మాళి మండలం లక్కివలస పంచాయతీలకు చెందిన వందకు పైగా వైకాపా కుటుంబాలు తెలుగుదేశం పార్టీలో చేరాయి. ఈ సందర్భంగా పార్టీలోకి చేరిన పిట్ట దండాసి, తలుపెద్ద కామయ్య, కామరాజు, సందుపల్లి ఎర్రన్న, చిన్నారావు, తదితరులను పార్టీలోకి ఆహ్వానించారు. నందిగాం నుంచి బెండి కాళిదాసు, న్రగడ ఆదిత్యలతో పాటు పలువురు తెదేపాలో చేరారు. నాయకులు ధర్మార్జునరెడ్డి, అప్పన్న, రాజులు, రామ్‌ప్రసాద్‌ తదితరులు పాల్గొన్నారు.