ఉత్తరాంధ్రకు అన్యాయం చేసిన పాలకులను ఓడించండి

మాట్లాడుతున్న చలసాని శ్రీనివాస్‌

శ్రీకాకుళం అర్బన్‌, న్యూస్‌టుడే: ఉత్తరాంధ్రకు అన్యాయం చేసిన పాలకులను ఓడించాలని ఆంధ్రప్రదేశ్‌ ప్రత్యేక హోదా విభజన హామీల సాధన సమితి అధ్యక్షుడు చలసాని శ్రీనివాస్‌ అన్నారు. ఆంధ్రప్రదేశ్‌ ప్రజల హక్కుల ఆత్మగౌరవ పోరాటంలో భాగంగా మంగళవారం శ్రీకాకుళం నగరంలోని ఓ హోటల్‌లో విలేకరుల సమావేశం నిర్వహించారు. ఈ సందర్భంగా ఆయన మాట్లాడుతూ ఎన్నికల్లో గెలిచిన అభ్యర్థులు అసెంబ్లీలో బూతులు తిట్టడం, పక్క వారి భార్యల గురించి మాట్లాడుతున్నారే తప్ప.. రాష్ట్ర సమస్యలు, అభివృద్ధిపై చర్చించడం లేదని ఆవేదన వ్యక్తం చేశారు. ఉత్తరాంధ్ర నాయకులు కొవ్వాడ సమస్యలను పట్టించుకోవడం లేదని ఆవేదన వ్యక్తం చేశారు. ఈ కార్యక్రమంలో పలువురు నాయకులు పాల్గొన్నారు.