దువ్వాడ, విశాఖ మీదుగా వేసవి ప్రత్యేక రైళ్లు

రైల్వేస్టేషన్‌, న్యూస్‌టుడే: వేసవిలో ప్రయాణికుల రద్దీ దృష్ట్యా తూర్పు కోస్తా రైల్వే పలు ప్రత్యేక రైళ్లు నడపనుందని వాల్తేర్‌ సీనియర్‌ డీసీఎం ఎ.కె.త్రిపాఠి తెలిపారు. విశాఖ-కొల్లాం(08539) ప్రత్యేక రైలు ఈ నెల 17 నుంచి జులై 3 వరకు ప్రతి బుధవారం ఉదయం 8.20 గంటలకు విశాఖలో బయలుదేరుతుంది. కొల్లాం-విశాఖ(08540) ప్రత్యేక రైలు ఈ నెల 18 నుంచి జులై 4 వరకు ప్రతి గురువారం రాత్రి 7.35 గంటలకు కొల్లాంలో బయలుదేరి మర్నాడు రాత్రి 11.20 గంటలకు విశాఖ వస్తుంది.

• భువనేశ్వర్‌-యలహంక(02811) ప్రత్యేక రైలు ఈ నెల 13 నుంచి మే 25 వరకు ప్రతి శనివారం సాయంత్రం 7.15 గంటలకు భువనేశ్వర్‌లో బయలుదేరి అర్ధరాత్రి దాటిన తరువాత 1.53 గంటలకు దువ్వాడ వచ్చి.. 1.55 గంటలకు వెళుతుంది. భువనేశ్వర్‌- యలహంక(02812) ప్రత్యేక రైలు ఈ నెల 15 నుంచి మే 27 వరకు ప్రతి సోమవారం ఉదయం 5 గంటలకు యలహంకలో బయలు దేరి మర్నాడు తెల్లవారుజామున 4.30 గంటలకు దువ్వాడ వచ్చి.. 4.32 గంటలకు వెళుతుంది.
• హావ్‌డా-యశ్వంత్‌పూర్‌(02863) ప్రత్యేక ఏసీ రైలు ఈ నెల 18 నుంచి జూన్‌ 27 వరకు ప్రతి గురువారం మధ్యాహ్నం 12.40 గంటలకు హావ్‌డాలో బయలుదేరి మర్నాడు తెల్లవారుజామున 2.43 గంటలకు దువ్వాడ వచ్చి.. 2.45 గంటలకు వెళుతుంది. యశ్వంత్‌పూర్‌- హావ్‌డా (02864) రైలు ఈ నెల 20 నుంచి 29 వరకు ప్రతి శనివారం ఉదయం 5 గంటలకు యశ్వంత్‌పూర్‌లో బయలుదేరి రాత్రి 11.05 గంటలకు దువ్వాడ వచ్చి.. 11.07 గంటలకు వెళుతుంది.
• కొచ్చివెల్లి-షాలిమార్‌(06081) ప్రత్యేక రైలు మే 31 వరకు ప్రతి శుక్రవారం సాయంత్రం 4.20 గంటలకు కొచ్చివెల్లిలో బయలు దేరి మర్నాడు రాత్రి 10.50 గంటలకు దువ్వాడ వచ్చి.. 10.52 గంటలకు వెళుతుంది. షాలిమార్‌- కొచ్చివెల్లి(06082) రైలు ఈ నెల 15 నుంచి జూన్‌ 6 వరకు ప్రతి సోమవారం మధ్యాహ్నం 2.20 గంటలకు షాలిమార్‌లో బయలుదేరి మర్నాడు ఉదయం 4.18 గంటలకు దువ్వాడ వచ్చి.. 4.20 గంటలకు వెళుతుంది.
• న్యూటిన్‌ సుఖియా-ఎస్‌ఎంవీ బెంగళూరు(05952) రైలు మే 2 నుంచి జూన్‌ 27 వరకు ప్రతి గురువారం సాయంత్రం 6.45 గంటలకు న్యూటిన్‌ సుఖియాలో బయలుదేరి మూడో రోజు మధ్యాహ్నం 1.50 గంటలకు విశాఖ వచ్చి.. 2.10 గంటలకు వెళుతుంది.
• ఎస్‌ఎంవీ బెంగళూరు- న్యూటిన్‌ సుఖియా(05951) రైలు మే 6 నుంచి జులై 1 వరకు ఆదివారం అర్ధరాత్రి దాటిన తర్వాత 12.30 గంటలకు ఎస్‌ఎంవీ బెంగుళూరులో బయలుదేరి తర్వాత రోజు రాత్రి 9.40 గంటలకు విశాఖ వచ్చి.. 10 గంటలకు వెళుతుంది.