తెదేపా కురుపాం ఇన్‌ఛార్జిగా జగదీశ్వరి

పార్వతీపురం, గుమ్మలక్ష్మీపురం, న్యూస్‌టుడే: తెదేపా కురుపాం నియోజకవర్గ ఇన్‌ఛార్జిగా గుమ్మలక్ష్మీపురం మండలం ఎల్విన్‌పేట ఎంపీటీసీ సభ్యురాలు తోయక జగదీశ్వరి నియమితులయ్యారు. ఈ మేరకు పార్టీ రాష్ట్రాధ్యక్షుడు కె.అచ్చెన్నాయుడు మంగళవారం ఉత్తర్వులు జారీ చేశారు. గతంలో ఇన్‌ఛార్జులుగా వ్యవహరించిన మాజీ ఎమ్మెల్యే జనార్దన థాట్రాజు, అతని తల్లి నరసింహ ప్రియాథాట్రాజు మృతి చెందారు. ఎమ్మెల్సీ, మాజీ మంత్రి శత్రుచర్ల విజయరామరాజుకు ఆరోగ్యం సహకరించడం లేదు. ఈ నేపథ్యంలో జగదీశ్వరిని నియమించారు. ఈమెది రాజకీయ కుటుంబం కావడం, శత్రుచర్ల కుటుంబానికి సన్నిహితంగా ఉండటంతో బాధ్యతలు అప్పగించారు.