ప్రధాని మోదీ సభకు ఆహ్వాన పత్రిక

ప్రధాని మోదీ బహిరంగ సభకు తరలిరావాలంటూ మొదటిసారి ప్రజలకు ఆహ్వాన పత్రికలు అందిస్తూ వినూత్న ప్రచారానికి వరంగల్‌ భాజపా నాయకులు శ్రీకారం చుట్టారు. లోక్‌సభ ఎన్నికల ప్రచారంలో భాగంగా ఈ నెల 8న వరంగల్‌ జిల్లా ఖిలావరంగల్‌ మండలం తిమ్మాపురం గ్రామం లక్ష్మీపురంలో భారీ బహిరంగ సభ నిర్వహించనున్నారు. ఈ సభకు ఓరుగల్లు జనసభ పేరుగా నామకరణం చేసి కింది భాగంలో వరంగల్‌ ఎంపీ అభ్యర్థి అరూరి రమేశ్‌ ఫొటో.. పైభాగంలో తెలంగాణ రాష్ట్ర రాజముద్ర కాకతీయ కీర్తితోరణం వద్ద ప్రధాని మోదీ నమస్కరిస్తున్న చిత్రంతో 1,50,000 ఆహ్వాన పత్రికలను ముద్రించారు. ఇంటింటికీ వెళ్లి ఆహ్వాన పత్రిక అందించి మోదీ సభను విజయవంతం చేయాలని కోరుతున్నారు.

న్యూస్‌టుడే, రంగశాయిపేట