రేపటి నుంచి తపాలా బ్యాలెట్‌ ఓటింగ్‌

భీమవరం అర్బన్‌, న్యూస్‌టుడే: పశ్చిమగోదావరి జిల్లాలో ఈ నెల 6, 7 తేదీల్లో తపాలా బ్యాలెట్‌ ఓటింగ్‌ నిర్వహించనున్నారు. ఎన్నికల విధుల్లో పాల్గొనే వారికి, అత్యవసర సేవల ఉద్యోగులకు ఈ అవకాశాన్ని కల్పించారు. ఆయా నియోజకవర్గాల పరిధిలో ఏర్పాటు చేసిన ఫెసిలిటేషన్‌ కేంద్రాల్లో ఉదయం 9 నుంచి సాయంత్రం 5 గంటల్లోపు ఈ ఓట్లు వినియోగించుకోవచ్చు. జిల్లాలో మొత్తం 15,477 మంది తపాలా బ్యాలెట్‌కు దరఖాస్తు చేసుకున్నట్లు కలెక్టర్‌ సుమిత్‌కుమార్‌ తెలిపారు. 6, 7 తేదీల్లో ఓటు హక్కు వినియోగించుకోలేకపోయిన వారు ఏడో తేదీ తర్వాత ఆయా నియోజకవర్గాల రిటర్నింగ్‌ అధికారుల కార్యాలయాలకు వెళ్లి బ్యాలెట్‌ను ఉపయోగించుకోవచ్చని తెలిపారు.