Andhrapradesh news: కడపలో అన్న క్యాంటీన్‌ కూల్చివేత..

కడప: కడప పట్టణంలోని పాత మున్సిపల్ కార్యాలయం ఆవరణలోని అన్న క్యాంటీన్ భవనాన్ని అధికారులు రాత్రికి రాత్రే కూల్చివేశారు. తెలుగుదేశం ప్రభుత్వం అధికారంలో ఉన్నపుడు పేదల ఆకలి తీర్చేందుకు నిర్మించిన ఈ అన్నక్యాంటీన్లను అధికారంలోకి రాగానే వైకాపా మూసివేసింది. దీంతో ఖాళీగా ఉన్న ఈ భవనాలను కరోనా సమయంలో కొవిడ్‌ నిర్ధారణ కేంద్రాలుగా ఉపయోగించుకున్నారు. ప్రస్తుతం హఠాత్తుగా క్యాంటీన్ భవనాలను కూల్చివేయడంతో నగరవాసులు ఆశ్చర్యపోతున్నారు. ప్రజా ధనం రూ.లక్షలు వెచ్చించి నిర్మించిన భవనాన్ని అలాగే ఉంచి ఏదైనా ప్రభుత్వ అవసరాల కోసం వినియోగించుకోవచ్చని అభిప్రాయం వ్యక్తం చేస్తున్నారు.