దిల్లీ: సినీ పరిశ్రమలో తాను ప్రముఖ నటుడు అమితాబ్ బచ్చన్‌తో సమానంగా  గౌరవాన్ని, ప్రేమను పొందానని సినీనటి, భాజపా మండి అభ్యర్థి కంగనా రనౌత్ పేర్కొన్నారు. ఇటీవల ఓ ఎన్నికల ర్యాలీలో పాల్గొన్న కంగన చేసిన వ్యాఖ్యలకు సంబంధించిన వీడియో సోషల్‌ మీడియాలో వైరల్‌గా మారింది. ఆ వీడియోలో ఆమె ప్రజలనుద్దేశించి ప్రసంగించారు. “నేను రాజస్థాన్‌, పశ్చిమ బెంగాల్‌, దిల్లీ, మణిపూర్‌ ఇలా దేశంలో ఎక్కడికి వెళ్లినా ప్రజలు నన్ను ఎంతగానో ప్రేమిస్తారు. అమితాబ్‌ బచ్చన్‌ తర్వాత సినీ పరిశ్రమలో అంతటి గౌరవాన్ని, ప్రేమను పొందింది నేనే అని ధైర్యంగా చెప్పగలను. ’’అని కంగన తనను బిగ్‌ బీతో పోల్చుకున్నారు. 

ప్రస్తుతం లోక్‌సభ ఎన్నికల్లో హిమాచల్ ప్రదేశ్‌లోని మండి స్థానం నుంచి  కంగనా భాజపా అభ్యర్థిగా పోటీ చేస్తున్నారు. సినీ నటిగా మంచి గుర్తింపు పొందిన కంగన  నటించిన ‘ఎమర్జెన్సీ’చిత్రం జూన్ 14న ప్రేక్షకుల ముందుకు రానుంది. ఇందులో ఆమె భారత మాజీ ప్రధాని ఇందిరా గాంధీ పాత్ర పోషించారు.