APSRTC: ఆర్టీసీలో కారుణ్యనియామక ప్రక్రియ పూర్తి.. 294 మందికి ఉద్యోగాలు

విజయవాడ: ఏపీఎస్‌ ఆర్టీసీలో కారుణ్య నియామక ప్రక్రియ పూర్తయినట్టు సంస్థ ఎండీ ద్వారకా తిరుమలరావు తెలిపారు. 2016 జనవరి నుంచి 2019 డిసెంబరు మధ్య కాలంలో చనిపోయిన ఉద్యోగుల కుటుంబ సభ్యుల్లో ఒకరికి ఉద్యోగం ఇచ్చినట్టు తెలిపారు. మొత్తం 294 మందికి కారుణ్య నియామకం కింద ఉద్యోగ అవకాశాలు కల్పించినట్టు చెప్పారు. 34 జూనియర్‌ అసిస్టెంట్, 99 ఆర్టీసీ కానిస్టేబుల్‌, 99 అసిస్టెంట్‌ మెకానిక్‌, 61 కండక్టర్‌, ఒక డ్రైవర్‌పోస్టును భర్తీ చేసినట్టు వెల్లడించారు. కొత్తగా నియమితులైన ఉద్యోగులకు శిక్షణా తరగతులను ఎండీ ప్రారంభించారు. సిబ్బంది క్రమశిక్షణ, అంకితభావంతో పనిచేయాలని సూచించారు. 3 నెలల పాటు శిక్షణ ఇస్తున్నట్లు తెలిపిన ఆయన శిక్షణా కాలంలో ఉద్యోగులకు స్టైఫండ్ ఇవ్వనున్నట్లు తెలిపారు.