పెంపుడు శునకానికి సీమంతం

ఇంటర్నెట్‌ డెస్క్‌: కర్ణాటకలోని విజయపురలో అరుదైన ఘటన చోటుచేసుకుంది. ఓ శునకానికి వైభవంగా సీమంతం చేశారు. తమ పెంపుడు శునకంపై ప్రేమతో ఓ కుటుంబం చేసిన పని ఇప్పుడు అందరి దృష్టిని ఆకర్షిస్తోంది. సోలాపూర్‌ రోడ్డులో నివశించే సామాజిక కార్యకర్త ప్రకాశ్‌ కుంబర్‌ కుటుంబం సోనియా అనే పొమరేనియన్‌ జాతి కుక్కను పెంచుకుంటోంది. కాగా ఆ శునకం గర్భం దాల్చిన సందర్భంగా ఘనంగా వేడుక నిర్వహించారు. సోనియా సీమంతానికి వచ్చిన ఇరుగుపొరుగు వారు దానికి బొట్టు పెట్టి, హారతి పట్టారు. ఈ సందర్భంగా సోనియాకు ప్రకాశ్‌ బంగారు గొలుసు బహూకరించాడు.