Agnipath: విశాఖలో అగ్నివీరుల ఎంపిక ప్రారంభం.. తరలివచ్చిన అభ్యర్థులు

విశాఖపట్నం: కేంద్ర ప్రభుత్వం ప్రతిష్ఠాత్మకంగా చేపట్టిన అగ్నివీర్‌ ఆర్మీ రిక్రూట్‌మెంట్‌ ర్యాలీ విశాఖలో ఆదివారం ఉదయం నుంచి మొదలైంది. ఇందిరా ప్రియదర్శిని స్టేడియంలో నిర్వహిస్తున్న ఈ ర్యాలీకి కట్టుదిట్టమైన భద్రత ఏర్పాటు చేశారు. ఇవాళ్టి నుంచి ఈనెల 31 వరకు ర్యాలీ కొనసాగనుంది. స్టేడియంలో 24 గంటల పాటు విద్యుత్‌, నీటి సరఫరా సదుపాయం కల్పించారు. రాష్ట్రంలోని వివిధ జిల్లాల నుంచి అభ్యర్థులు భారీగా తరలివచ్చారు. రన్నింగ్‌ ట్రాక్‌పై నీరు, బురద లేకుండా పటిష్ఠమైన ఏర్పాట్లు చేశారు. అన్ని శాఖలు సమన్వయంతో పనిచేసి ర్యాలీని విజయవంతం చేయాలని జిల్లా కలెక్టర్‌ మల్లిఖార్జున కోరారు.