Andhra News: కనీస వేతనం అమలు చేయండి.. విశాఖలో అంగన్వాడీల నిరసన హోరు

విశాఖ: కనీస వేతనం అమలు చేయాలని డిమాండ్‌తో విశాఖలో అంగన్వాడీ కార్యకర్తలు పెద్ద ఎత్తున నిరసన కార్యక్రమం చేపట్టారు. విశాఖ సరస్వతి పార్కు నుంచి కలెక్టరేట్‌ వరకు ర్యాలీ నిర్వహించారు. అనంతరం కలెక్టరేట్‌ ఎదుట నిరసన చేపట్టగా పోలీసులు అడ్డుకున్నారు. పోలీసుల తీరును నిరసిస్తూ అంగన్వాడీలు పెద్ద ఎత్తున నినాదాలు చేశారు. ఈ సందర్భంగా ప్రభుత్వ వైఖరిని వారు తప్పుబట్టారు.

తెలంగాణ కంటే అదనంగా వేతనాలు ఇస్తానని పాదయాత్ర సమయంలో సీఎం జగన్‌ చెప్పారని అంగన్వాడీలు గుర్తు చేశారు. అంగన్వాడీలకు సంక్షేమ పథకాలు అమలు చేయడం లేదని.. తక్షణం ప్రభుత్వం స్పందించి వాటి అమలుకు చర్యలు తీసుకోవాలని డిమాండ్‌ చేశారు.