ఏపీ పోలీస్‌కు జాతీయ పురస్కారం

అమరావతి: ఆంధ్రప్రదేశ్‌ పోలీస్‌ శాఖకు జాతీయస్థాయి పురస్కారం దక్కింది. ఇంటర్‌ అపెరబుల్‌ క్రిమినల్ జస్టిస్‌ సిస్టం(ఐసీజేఎస్‌) అమలు, వినియోగంలో ఏపీ పోలీస్‌శాఖ మంచి పనితీరు కనబరిచి రెండో స్థానాన్ని కైవసం చేసుకుంది. ఐసీజేఎస్‌కు సంబంధించి కేంద్ర ప్రభుత్వం మంగళవారం అవార్డులను ప్రకటించింది. కేంద్ర హోంశాఖ సహాయ మంత్రి కిషన్ రెడ్డి చేతుల మీదుగా వర్చువల్‌ విధానంలో డీజీపీ గౌతం సవాంగ్ అవార్డును అందుకున్నారు. ఏపీ పోలీస్‌ శాఖకు ప్రతిష్ఠాత్మకమైన జాతీయ పురస్కారం దక్కడంతో సీఎం జగన్‌ మోహన్‌రెడ్డి, హోంమంత్రి మేకతోటి సూచరిత హర్షం వ్యక్తం చేశారు. కాగా ఐసీజేఎస్‌ అమలు, వినియోగంలో మహారాష్ట్ర మొదటి స్థానంలో నిలవగా, తెలంగాణ మూడో స్థానాన్ని  కైవసం చేసుకుంది.