బియ్యం గింజ పరిమాణంలో గణనాథుడు

ఇండియా బుక్‌ ఆఫ్‌ రికార్డులో చోటు

జగిత్యాల: జగిత్యాలకు చెందిన కళాకారుడు గుర్రం దయాకర్‌ ఆవగింజ పరిమాణంలో బంగారంతో బొజ్జ గణపయ్యను తయారు చేసి ఔరా అనిపించారు. బియ్యం గింజ సైజులోనూ గణనాథుడిని రూపొందించగా ఇండియా బుక్‌ ఆఫ్‌ రికార్డులో ఆయనకు చోటు దక్కింది. జాతీయ స్థాయిలో గుర్గింపు దక్కడం ఆనందంగా ఉందని దయాకర్‌ హర్షం వ్యక్తం చేశారు. గణపతి నవరాత్రుల సందర్భంగా ప్రత్యేకించి రెండు విగ్రహాలను తయారు చేసినట్లు ఆయన తెలిపారు. అత్యంత సూక్ష్మమైన ఒక బంగారు విగ్రహం తయారు చేసినట్లు చెప్పారు. 0.19మిల్లీ గ్రాములు బరువుతో దీన్ని రూపొందించినట్లు వివరించారు. దీని బంగారం విలువ కేవలం రూ.100గా తెలిపారు. ఈ విగ్రహానికి ఇండియా బుక్‌ ఆఫ్‌ రికార్డులో చోటు దక్కిందని వివరించారు. బియ్యం గింజకన్నా తక్కువ సైజులో మరో విగ్రహం తయారు చేసినట్లు చెప్పారు.