ఆ మూడు ఫిర్యాదులపై నివేదిక ఇవ్వండి

ఎంపీ రఘురామ ఫిర్యాదుపై స్పందించిన కేంద్ర హోంశాఖ

దిల్లీ: ఏపీ సీఐడీ అదనపు డీజీ సునీల్‌కుమార్‌పై వచ్చిన ఫిర్యాదులపై కేంద్ర హోంశాఖ స్పందించింది. సునీల్‌ కుమార్‌ వ్యవహారంలో వచ్చిన మూడు ఫిర్యాదులపై నివేదిక ఇవ్వాలని ఆదేశాలు జారీ చేసింది. ఫిర్యాదులపై తీసుకున్న చర్యలపై వివరాలు కోరుతూ ఏపీ సీఎస్‌ ఆదిత్యనాథ్‌దాస్‌కు కేంద్ర హోంశాఖ కార్యదర్శి సంజీవ్‌ కుమార్‌ లేఖ రాశారు. సునీల్‌కుమార్‌ సివిల్‌ సర్వీసెస్‌ నిబంధనలు ఉల్లంఘించారని గతంలో వైకాపా ఎంపీ రఘురామకృష్ణరాజు ఫిర్యాదు చేశారు. ఐపీఎస్‌ హోదాలో ఉన్న అధికారి సమాజంలో అలజడి సృష్టించేలా మాట్లాడారని రఘురామ ఫిర్యాదు చేశారు. రఘురామ ఫిర్యాదు, సునీల్‌ ప్రసంగ వీడియోలను కేంద్ర హోంశాఖ రాష్ట్రానికి పంపించింది.