సామాన్య భక్తుడిగా మేడారంలో కడియం

గోడ దూకి సమ్మక్కను దర్శించుకున్న మాజీ డిప్యూటీ సీఎం

మేడారం: తెలంగాణ కుంభమేళా మేడారం జాతరకు భక్తుల తాకిడి ఎక్కువైంది. తెలుగు రాష్ట్రాల నుంచే కాకుండా  బిహార్‌, ఛత్తీస్‌గఢ్‌ రాష్ట్రాల నుంచి కూడా వేలాది మంది భక్తులు వనదేవతలను దర్శించుకునేందుకు తరలివస్తున్నారు. మరోవైపు తెలంగాణ మాజీ ఉపముఖ్యమంత్రి కడియం శ్రీహరి ఓ సాధారణ భక్తుడిలా అమ్మవార్ల దర్శనానికి వెళ్లారు. క్యూలైన్‌లో నిల్చొని, గోడ దూకి సమ్మక్క గద్దెను దర్శించుకున్నారు. ఈ సందర్భంగా ఆయన మాట్లాడుతూ మొత్తం 7 సార్లు తన ఆధ్యర్యంలో జాతర నిర్వహించినట్లు గుర్తు చేశారు. వనదేవతల ఆశీర్వాదంతోనే తెలంగాణ సిద్ధించిందని ఆయన అన్నారు. తెలంగాణ ఏర్పడిన తర్వాత జరిగిన 3 జాతరలకు ముఖ్యమంత్రి కేసీఆర్‌ రూ.315 కోట్లు  కేటాయించారని చెప్పారు. మేడారం జాతరను జాతీయపండగగా గుర్తించాలని కేంద్రానికి విజ్ఞప్తి చేశారు.