‘సామాజిక దూరం’ అనడం సరికాదు

సుప్రీంకోర్టులో తెలంగాణ న్యాయవాది పిటిషన్‌

దిల్లీ: కరోనా వైరస్‌ వ్యాప్తి నియంత్రణకు ప్రజల మధ్య దూరం పాటించాలని చెబుతూ... దాన్ని ‘సామాజిక దూరం’ అనడం సరికాదని హైదరాబాద్‌కు చెందిన న్యాయవాది బి.కార్తిక్‌ నవయాన్‌ సుప్రీంకోర్టును ఆశ్రయించారు. భౌతిక దూరం పాటించడాన్ని సామాజిక దూరంగా పరిగణించకూడదంటూ ఆయన ఈ-మెయిల్‌, రిజిస్టర్‌ పోస్టు ద్వారా లిఖితపూర్వక పిటిషన్‌ను సుప్రీంకోర్టుకు పంపారు. సామాజిక దూరం అనే బదులు భౌతిక దూరం, వ్యక్తిగత దూరం, డిసీజ్‌ డిస్టెన్సింగ్‌, సేఫ్‌ డిస్టెన్సింగ్‌ లేదా ఏదైనా కొవిడ్‌-19 గురించి తెలిపేలా పదాన్ని వాడాలని పిటిషన్‌లో అభ్యర్థించారు. ఈ మేరకు కేంద్ర, రాష్ట్ర ప్రభుత్వాలకు ఆదేశాలు ఇవ్వాలని ఆయన కోరారు.