సెక్షన్‌కు 40 మంది విద్యార్థులే: మంత్రి సురేష్‌

అమరావతి: ఆంధ్రప్రదేశ్‌లోని ఇంటర్‌ ప్రైవేటు కళాశాలల్లో ప్రవేశాలకు సంబంధించి పలు నిబంధనలు సవరిస్తూ రాష్ట్ర విద్యాశాఖ ఉత్తర్వులు జారీ చేసింది. ఇంటర్‌ ప్రైవేటు కళాశాలల్లో ఒక్కో సెక్షన్‌లో పరిమిత సంఖ్యలో కేవలం 40 మంది విద్యార్థులను మాత్రమే చేర్చుకోవాలని విద్యాశాఖ ఆదేశించింది. ఈ మేరకు గతంలో జారీ చేసిన ఆదేశాలను సవరిస్తూ విద్యాశాఖ తాజాగా మరోసారి ఉత్తర్వులు జారీ చేసింది. విద్యా సంస్కరణల్లో భాగంగానే ఈ నిర్ణయం తీసుకున్నట్లు రాష్ట్ర విద్యాశాఖ మంత్రి ఆదిమూలపు సురేష్‌ తెలిపారు. సీబీఎస్‌ఈ నిబంధనలకు అనుగుణంగా మార్పులు చేసినట్లు చెప్పారు. సెక్షన్‌కు 40 మంది విద్యార్థులను మాత్రమే చేర్చుకునేలా పరిమితులు విధించినట్లు మంత్రి సురేశ్‌ తెలిపారు.