Mann ki Baat: తిరుపతి యువకుడికి ప్రధాని మోదీ ప్రశంసలు

తిరుపతి: తిరుపతి యువకుడు సాయి ప్రణీత్‌ ప్రధాని నరేంద్రమోదీ నుంచి ప్రశంసలు అందుకున్నాడు.  సాయి ‘ఏపీ వెదర్‌ మ్యాన్‌’ పేరుతో వాతావరణ సమాచారాన్ని సోషల్‌ మీడియా ద్వారా  అందిస్తున్నాడు. ఈ నేపథ్యంలో మన్‌కీ బాత్‌ కార్యక్రమంలో సాయి ప్రణీత్‌ను ప్రధాని ప్రశంసించారు. సోషల్ మీడియా సాయంతో రైతులకు ఆ యువకుడు అందిస్తున్న సేవలను మోదీ మెచ్చుకున్నారు. సాయి ప్రణీత్‌ బెంగళూరులో సాఫ్ట్‌వేర్‌ ఇంజినీర్‌గా పనిచేస్తున్నాడు. గత ఏడేళ్లుగా వాతావరణ అంశాలను విశ్లేషిస్తూ ఐఎండీ, ఐరాస ప్రశంసలు అందుకున్నాడు. ఈ క్రమంలో ఆ యువకుడు అందిస్తున్న సేవలను తెలుసుకుని మన్‌కీబాత్ కార్యక్రమంలో మోదీ ప్రస్తావించారు.