Mannam Venkataramana: ఎన్నారై మన్నం వెంకటరమణ కన్నుమూత

టంగుటూరు: ప్రవాస భారతీయుడు మన్నం వెంకటరమణ కన్నుమూశారు. అస్వస్థతకు గురైన ఆయన కొద్దిరోజులుగా ఆసుపత్రిలో చికిత్స పొందుతూ బుధవారం తుదిశ్వాస విడిచారు. వెంకటరమణ స్వస్థలం ప్రకాశం జిల్లా టంగుటూరు మండలంలోని కాకటూరువారి పాలెం. అమెరికాలో స్థిరపడిన ఆయన ఎంతోమంది తెలుగు విద్యార్థులకు అక్కడ ఉద్యోగాలు సాధించేందుకు సహాయపడ్డారు. 2009 అసెంబ్లీ ఎన్నికల్లో దర్శి నియోజకవర్గం నుంచి తెలుగుదేశం పార్టీ తరఫున పోటీ చేసి ఓటమి పాలైన ఆయన.. పార్టీ అభ్యున్నతికి తన వంతు కృషి చేశారు. వారం రోజుల క్రితం అమెరికా నుంచి ఇండియాకు విమానంలో బయలుదేరగా ఆయనకు గుండెపోటు వచ్చింది. దీంతో హుటాహుటిన ఎయిర్‌లైన్స్‌ సిబ్బంది గ్రీస్‌ ఆస్పత్రిలో చేర్పించారు. చికిత్స పొందుతూ తుదిశ్వాస విడిచినట్లు కాకటూరివారి పాలెంలోని ఆయన బంధువులు తెలిపారు.