NEET: దేశవ్యాప్తంగా ‘నీట్‌’ పరీక్ష ప్రారంభం

హైదరాబాద్‌, అమరావతి: దేశవ్యాప్తంగా జాతీయ అర్హత ప్రవేశపరీక్ష (నీట్‌) ప్రారంభమైంది. మధ్యాహ్నం 2 గంటలకు పరీక్ష మొదలైనప్పటికీ మధ్యాహ్నం 1.30 గంటల్లోపే పరీక్షా కేంద్రాలకు చేరుకోవాలనే నిబంధన ఉండటంతో విద్యార్థులు ముందుగానే చేరుకున్నారు. తెలుగు రాష్ట్రాల్లో దాదాపు లక్ష మంది విద్యార్థులు నీట్‌ పరీక్షకు హాజరయ్యారు. ఏపీలో 10 పట్టణాల్లోని 151.. తెలంగాణలో 7 పట్టణాల్లోని 112 కేంద్రాల్లో పరీక్ష నిర్వహణకు ఏర్పాట్లు చేశారు. పరీక్ష కేంద్రంలోకి అడ్మిట్‌ కార్డు, ఫొటో, గుర్తింపు కార్డు మాత్రమే అనుమతించారు. కరోనా నిబంధనలు పాటిస్తూ పరీక్ష నిర్వహిస్తున్నారు. హిందీ, ఆంగ్లంతో పాటు మొత్తం 11 ప్రాంతీయ భాషల్లో ఈ పరీక్ష జరుగుతోంది.