TS News: కొత్త వేరియంట్‌పై తెలంగాణ సర్కార్‌ అలర్ట్‌!

హైదరాబాద్‌: దక్షిణాఫ్రికాతో పాటు పలు దేశాల్లో కలకలం సృష్టిస్తున్న కొవిడ్‌ కొత్త వేరియంట్‌పై తెలంగాణ సర్కార్‌ అప్రమత్తమైంది. ఈ మేరకు వైద్య, ఆరోగ్యశాఖ ఉన్నతాధికారులతో మంత్రి హరీశ్‌రావు ఆదివారం సమావేశం కానున్నారు. కొత్త వేరియంట్‌ వ్యాపిస్తున్న దేశాల నుంచి వచ్చే వారి విషయంలో తీసుకోవాల్సిన చర్యలపై సమీక్షించనున్నారు. ఇదే అంశంపై ఇటీవల కేంద్రం రాష్ట్ర ప్రభుత్వాలను అప్రమత్తం చేసిన విషయం తెలిసిందే. ఈ నేపథ్యంలో దక్షిణాఫ్రికా నుంచి నేరుగా హైదరాబాద్‌కు విమానాలు లేని కారణంగా ముంబయి, దిల్లీలో దిగి భాగ్యనగరానికి వచ్చే వారిని ట్రేసింగ్‌, టెస్టింగ్‌ సహా పలు అంశాలపై చర్చించనున్నారు.