Vande Bharat: విశాఖ-సికింద్రాబాద్‌ వందేభారత్‌ రైలుకు సామర్లకోటలో హాల్టింగ్‌

విశాఖపట్నం: రైలు ప్రయాణికులకు గుడ్‌ న్యూస్‌. విశాఖపట్నం-సికింద్రాబాద్‌-విశాఖపట్నం వందే భారత్‌ రైలు గురువారం నుంచి సామర్ల కోట స్టేషన్‌లో ఆగుతుందని దక్షిణ మధ్య రైల్వే అధికారులు తెలిపారు. విశాఖపట్నంలో ఉదయం 5.45 గంటలకు బయలుదేరే వందేభారత్‌ ఎక్స్‌ప్రెస్‌ రైలు 7.15 గంటలకు సామర్లకోట స్టేషన్‌కు చేరుకుంటుంది. సికింద్రాబాద్‌ స్టేషన్‌ నుంచి మధ్యాహ్నం 3గంటలకు బయలుదేరే వందేభారత్‌ రైలు రాత్రి 9.35 గంటలకు సామర్లకోట స్టేషన్‌కు చేరుకుంటుంది. కాకినాడ జిల్లా ప్రజలు, ప్రయాణికుల విజ్ఞప్తి మేరకు సామర్లకోటలో వందే భారత్‌ హాల్టింగ్‌ సదుపాయం కల్పించినట్టు రైల్వే అధికారులు తెలిపారు. ఆ ప్రాంత ప్రయాణికులు ఈ అవకాశాన్ని సద్వినియోగం చేసుకుకోవాలని కోరారు.