‘మేం ఓట్లు అమ్ముకోం.. మా ఇంటికి రావొద్దు’

గోడప్రతులు ఏర్పాటు చేసిన రేఖా కృష్ణార్జునరావు

మంగళగిరి, తాడేపల్లి, న్యూస్‌టుడే: మరో వారంలో ఎన్నికలు జరగబోతున్నాయి. అన్ని రాజకీయ పార్టీలు ఓట్ల వేటలో నిగమ్నమయ్యాయి. ఈ క్రమంలో గుంటూరు జిల్లా మంగళగిరికి చెందిన మంగళగిరి బుద్ధవిహార్‌ అధ్యక్షుడు రేఖా కృష్ణార్జునరావు, చైతన్య సాహితీ వేదిక కన్వీనర్‌ గోలి మధు తమ ఇళ్ల గోడలపై ఏర్పాటు చేసిన ప్రతులు ఆలోచింపజేస్తున్నాయి. ‘మేం ఏనాడూ ఓటును అమ్ముకోలేదు. రాజ్యాంగాన్ని మార్చాలని భావించే పార్టీ అభ్యర్థులు, ఓట్లు కొనాలనుకునేవారు మా ఇంటికి రానవసరం లేదు’ అని వాటిపై పేర్కొన్నారు.