Andhra news: డిసెంబరు నాటికి 2.62 లక్షల ఇళ్లు: ఆదిమూలపు సురేష్‌

విజయవాడ: రాబోయే డిసెంబరు నాటికి రాష్ట్రంలో మొత్తం 2,62,216 ఇళ్లను లబ్ధిదారులకు అందించాలనే లక్ష్యంతో పనిచేస్తున్నామని పురపాలక శాఖ మంత్రి ఆదిమూలపు సురేష్‌ పేర్కొన్నారు. ఈ జూన్‌ 22 నాటికి కనీసం 1.34 లక్షల నివాస గృహాలను పంపిణీ చేస్తామన్నారు. ఆపై ప్రతి నెల కనీసం 39 వేల నుంచి 50 వేల ఇళ్ల నిర్మాణాలు పూర్తి చేస్తామని తెలిపారు. నివాస సముదాయాల దగ్గర మౌలిక వసతుల కల్పనకు త్వరలోనే టెండర్లు పిలుస్తామన్నారు. నిర్మాణ పనులపై సంబంధిత అధికారులతో సమీక్షించి, కార్యాచరణ ప్రణాళికలు తయారు చేసుకున్నామని వెల్లడించారు. శ్రీకాకుళం, విజయనగరం జిల్లాల్లో ఇప్పటికే సిద్ధంగా ఉన్న ఇళ్లను వచ్చే నెలలో అర్హులైన వారికి అందిస్తామని ప్రకటించారు.