Vaccine: జంతువులకూ కొవిడ్‌ టీకాల పంపిణీ

వాషింగ్టన్‌: ప్రపంచవ్యాప్తంగా జంతువులు సైతం కరోనా బారిన పడుతున్న వేళ.. రోగనిరోధకశక్తి పెంచేందుకు జంతువులకు కూడా టీకా పంపిణీని చేపడుతున్నారు. ఈ మేరకు అమెరికాలోని ఒక్లాండో జంతు ప్రదర్శనశాలలోని కొన్ని జంతువులకు టీకాలు పంపిణీ చేశారు. జోటీస్ అనే ఔషధ తయారీ సంస్థ.. ప్రత్యేకంగా జంతువుల కోసం రూపొందించిన టీకాను పులులు, ఎలుగుబంట్లు, సింహాలకు ఇచ్చినట్లు అక్కడి వైద్యాధికారులు తెలిపారు. జంతువుల రోగ నిరోధకశక్తి ఆధారంగా టీకాలు ఇస్తున్నట్లు వివరించారు. జోటీస్ సంస్థ ఇప్పటికే అమెరికాలోని 70 జంతు ప్రదర్శనశాలలకు 11 వేల టీకా డోసులు పంపిణీ చేసినట్లు అధికారులు పేర్కొన్నారు.