యూపీలో కూలిన నాలుగంతస్తుల భవనం

శిథిలాల్లో చిక్కుకున్న పలువురు
9 మందిని కాపాడిన సిబ్బంది

లఖ్‌నవూ: ఉత్తర్‌ప్రదేశ్‌ రాజధాని లఖ్‌నవూలో ఘోర ప్రమాదం జరిగింది. హజ్రత్‌గంజ్‌ ప్రాంతంలో మంగళవారం నాలుగంతస్తుల భవనం ఒకటి కుప్పకూలిపోయింది. శిథిలాల్లో పలువురు చిక్కుకున్నట్లు అధికారులు తెలిపారు. సహాయక చర్యలు చేపట్టిన ఎన్డీఆర్‌ఎఫ్‌, ఎస్డీఆర్‌ఎఫ్‌ బృందాలు 9 మందిని కాపాడి ఆసుపత్రికి తరలించాయి. ఉత్తరాదిలో మంగళవారం భూ ప్రకంపనలు సంభవించాయి. ఈ నేపథ్యంలోనే భవనం కూలిపోయినట్లు భావిస్తున్నారు. శిథిలాల్లో చిక్కుకున్న 9 మంది కాపాడినట్లు యూపీ ఉప ముఖ్యమంత్రి బ్రజేష్‌ పాఠక్‌ వెల్లడించారు. ముగ్గురు అపస్మారకస్థితిలో ఉన్నట్లు చెప్పారు.