రెండోసారి చంద్రయాన్‌-3 కక్ష్య పెంపు

బెంగళూరు: జాబిల్లిపై అన్వేషణ కోసం భారత అంతరిక్ష పరిశోధన సంస్థ (ఇస్రో) ప్రయోగించిన చంద్రయాన్‌-3.. క్రమంగా చందమామ దిశగా అడుగులు వేస్తోంది. సోమవారం శాస్త్రవేత్తలు.. ఈ వ్యోమనౌకలోని ఇంజిన్‌ను మండించి రెండోసారి కక్ష్యను పెంచారు. దీంతో చంద్రయాన్‌-3 41,603 ్ల 226 కిలోమీటర్ల కక్ష్యలోకి చేరింది. ఈ కసరత్తు మళ్లీ మంగళవారం మధ్యాహ్నం 2 నుంచి 3 గంటల మధ్య జరుగుతుందని ఇస్రో ప్రకటించింది. చంద్రయాన్‌-3 గమనం సజావుగా సాగుతున్నట్లు శాస్త్రవేత్తలు తెలిపారు. ఈ వ్యోమనౌకను శుక్రవారం ఆంధ్రప్రదేశ్‌లోని శ్రీహరికోట నుంచి ఎల్‌వీఎం3-ఎం4 రాకెట్‌ ద్వారా విజయవంతంగా భూకక్ష్యలో ప్రవేశపెట్టిన సంగతి తెలిసిందే. శనివారం తొలిసారిగా దీని కక్ష్యను పెంచారు. ఈ ప్రక్రియను దశలవారీగా కొనసాగిస్తూ చంద్రయాన్‌-3 జాబిల్లికి చేరువచేస్తారు. అంతా సజావుగా సాగితే ఆగస్టు 23న సాయంత్రం 5.47 గంటలకు చంద్రుడిపై ల్యాండర్‌ అడుగుపెడుతుంది.