నవమి రోజున వరించిన అదృష్టం

ఒక్క వజ్రంతో లక్షాధికారిగా..

దసరా వేళ ఓ వ్యక్తి పంట పండింది. ఓ విలువైన వజ్రం అతణ్ని రాత్రికి రాత్రే లక్షాధికారిని చేసింది. ఉత్తర్‌ప్రదేశ్‌ నొయిడాకు చెందిన రాణా ప్రతాప్‌ మధ్యప్రదేశ్‌లోని సిరస్వాహాలోని భర్కా ప్రాంతంలో ఓ గనిని లీజుకు తీసుకున్నారు. ఆరు నెలలుగా తవ్వకాలు జరుపుతుండగా.. నవమి రోజున (మంగళవారం) అతనికి 9.64 క్యారట్ల నాణ్యమైన వజ్రం దొరికింది. దీంతో అతని కుటుంబసభ్యులు ఆనందంలో మునిగి తేలుతున్నారు. ఆ వజ్రాన్ని పన్నాలోని డైమండ్‌ ఆఫీస్‌లో డిపాజిట్‌ చేసినట్లు రాణా ప్రతాప్‌ తెలిపారు. ఈ వజ్రం విలువ సుమారు రూ.40 లక్షలు ఉంటుందని అంచనా. దీన్ని రానున్న డైమండ్‌ ఆక్షన్‌లో ఉంచనున్నట్లు తెలిపిన రాణా ప్రతాప్‌.. వేలం ద్వారా వచ్చిన డబ్బులో కొంతభాగం పేద పిల్లల సహాయం కోసం ఖర్చు చేస్తానని చెప్పారు.