India Corona: కొత్తగా ఎన్ని కేసులు వచ్చాయంటే..?

దిల్లీ: దేశంలో కరోనా వైరస్‌ వ్యాప్తి కొనసాగుతోంది. స్వల్ప హెచ్చుతగ్గులతో కొత్త కేసులు వెలుగుచూస్తున్నాయి. తాజాగా 4.72 లక్షల మందికి వైరస్ నిర్ధారణ పరీక్షలు నిర్వహించగా.. 2,897 మందికి వైరస్‌ పాజిటివ్‌గా తేలింది. మరోరోజు 3వేల దిగువనే కేసులొచ్చాయి. 54 మంది ప్రాణాలు కోల్పోయారు. ఇప్పటివరకూ 4.31 కోట్ల మందికి కరోనా సోకగా.. 5.24 లక్షల మందికి పైగా మహమ్మారికి బలయ్యారు. 

24 గంటల వ్యవధిలో 2,986 మంది కొవిడ్ నుంచి కోలుకున్నారు. తాజాగా క్రియాశీల కేసుల్లో స్వల్ప పెరుగుదల కనిపించింది. ప్రస్తుతం వాటి సంఖ్య 19,494కి చేరింది. రికవరీ రేటు 98.74 శాతంగా ఉండగా.. క్రియాశీల రేటు 0.05 శాతంగా కొనసాగుతోంది. నిన్న 14.8 లక్షల మంది టీకా తీసుకోగా.. మొత్తంగా 190 కోట్లకు పైగా డోసులు పంపిణీ అయ్యాయని కేంద్రం తెలిపింది.