Droupadi murmu: సుపరిపాలన అంటే రామరాజ్యమే: రాష్ట్రపతి

దిల్లీ: శ్రీరాముడు.. సాహసం, కరుణ, కర్తవ్య నిష్ఠకు ప్రతీక అని రాష్ట్రపతి ద్రౌపది ముర్ము (Droupadi murmu) అన్నారు. అయోధ్యలో సోమవారం రామ్‌లల్లా ప్రాణప్రతిష్ఠ వేడుకను పురస్కరించుకొని ప్రధాని మోదీకి (PM Modi) రాష్ట్రపతి లేఖ రాశారు. 11 రోజులుగా ఎంతో నిష్ఠగా కార్యక్రమాన్ని నిర్వహిస్తున్నందుకు అభినందనలు తెలిపారు. ‘‘మన సంస్కృతి, ఆధ్యాత్మికత, రాముడు జీవితంతో ముడిపడి ఉంది. సుపరిపాలన అంటే ఇప్పటికీ రామరాజ్యమే గుర్తొస్తుంది. సత్యనిష్ఠ గొప్పతనాన్ని రాముడి వల్లే గ్రహించానని గాంధీ అన్నారు. జాతి నిర్మాతలకు రామాయణం ప్రేరణగా నిలిచింది. ఇప్పుడు అయోధ్య కార్యక్రమంతో దేశమంతా పండుగ వాతావరణం నెలకొంది’’ అని లేఖలో పేర్కొన్నారు. పీఎం జన్‌మన్‌ ద్వారా గిరిజనుల అభివృద్ధికి ప్రధాని మోదీ కృషి చేసిన సంగతిని ముర్ము తన లేఖలో ప్రస్తావించారు.