Parliament: పార్లమెంట్‌లో మళ్లీ అదే రగడ

విపక్షాల నిరసన.. రాజ్యసభ వాయిదా

దిల్లీ: ఫోన్ల హ్యాకింగ్‌ వ్యవహారం, సాగు చట్టాలపై విపక్షాల నిరసనల మధ్య పార్లమెంట్‌ ఉభయ సభల్లో బుధవారం కూడా వాయిదా పర్వం మొదలైంది. ఈ ఉదయం లోక్‌సభ ప్రారంభం కాగానే ప్రతిపక్ష ఎంపీలు ఆందోళనకు దిగారు. ప్రభుత్వానికి వ్యతిరేకంగా గట్టిగట్టిగా నినాదాలు చేశారు. వారి నిరసనల మధ్యే స్పీకర్‌ ఓం బిర్లా ప్రశ్నోత్తరాల గంట చేపట్టారు. అయినప్పటికీ పట్టు సడలించిన విపక్షాలు స్పీకర్ పోడియం వద్దకు వెళ్లి ప్లకార్డులు ప్రదర్శించారు. విపక్ష ఎంపీల ఆందోళనల నడుమే ప్రశ్నోత్తరాల గంట కొనసాగుతోంది. 

అటు రాజ్యసభలోనూ విపక్ష సభ్యులు గళమెత్తారు. పెగాసస్‌ స్పైవేర్‌ను అక్రమంగా వాడడంపై నిరసనలు తెలిపారు. దీనిపై ప్రభుత్వం సమాధానం చెప్పాలంటూ వెల్‌లోకి దూసుకెళ్లి ఆందోళన చేపట్టారు. దీంతో అసహనానికి గురైన ఛైర్మన్‌ వెంకయ్యనాయుడు సభను మధ్యాహ్నం 12 గంటల వరకు వాయిదా వేశారు.