Viral news: వీడెవడ్రా బాబోయ్‌.. పాల డెలివరీకి హార్లే డేవిడ్‌సన్‌ బైక్‌!

ఇంటర్నెట్‌డెస్క్‌: సామాజిక మాధ్యమాల వినియోగం పెరిగిన తర్వాత ఆసక్తికరంగా ఉన్న ఏ అంశమైనా వెంటనే వైరల్‌గా మారిపోతోంది. యూజర్లు కూడా అలాంటి వాటినే ఎక్కువగా సెర్చ్‌ చేస్తుంటారు. తాజాగా పాలు అమ్మేందుకు ఓ వ్యక్తి ప్రీమియం బైక్‌ హార్లే డేవిడ్‌సన్‌ను ఉపయోగించడం సోషల్‌ మీడియాలో వైరల్‌గా మారింది. సాధారణంగా పాలు అమ్మేవాళ్లు.. ఏదో చిన్నపాటి ద్విచక్రవాహనాన్ని పాల క్యాన్లు తగిలించుకునేందు వీలుగా మార్చి.. ఇంటింటికీ వచ్చి పాలు పోసి వెళ్తుంటారు. కానీ, ఈ వ్యక్తి మాత్రం బైకు వెనక రెండు పాల క్యాన్లు పెట్టుకొని వీధుల్లో చక్కర్లు కొడుతున్నాడు. ఎక్కడ జరిగిందో తెలియదు గానీ, దీనికి సంబంధించిన వీడియోను అమిత్‌ బదనా అనే వ్యక్తి ఇన్‌స్టాలో పోస్టు చేయడంతో వైరల్‌గా మారింది. దీనిపై రకరకాల కామెంట్లు వెల్లువెత్తున్నాయి. పాలు అమ్మడానికి హార్లే డేవిడ్‌సన్‌ బైక్‌పై వెళ్లడంలో వింతేముంది అనుకుంటున్నారా? దీని విలువ రూ.11లక్షలకు పైగానే ఉంటుందండీ..!